Imágenes de páginas
PDF
EPUB

Regnare non passæ tenebras,

Te profugam referente lucem. Campanulæ non immemores sui Quod imminebat martyrii, sonis Nos æmulantur : ne liquentur

Motibus immodicis, veremur. Clangore non jam mortifero minax Accendit iras buccina Martias, Subinde semper provocabit Pacifico strepitu quietem. Quin et trisulci fulminis æmula Ministra lethi machina, fulgura Jucunda spirans, ore blandam Detonat innocuo salutem. Incedit agmen purpureum, senes, Queis plurimos gratissimus hic dies Annos reduxit; queis fugata

Canitie revirescit ætas.

Et membra priscus pigra calor rapit,
Ducunt vietis poplitibus choros,
Sub rege tanto quisque vitæ
Nestoreum sibi sperat ævum:
Vidisse vobis tempora sufficit
Tam læta, patres; tradite posteris
Fruenda, quos funesta duri
Secula progenuere ferri.

Queis flos juventæ corporis integras
Vires ministrat, queis animi pares,
Plenam voluptatem beati

Percipiant sapiantque regni.

Sed quo catervas virgineas trahit
Vis immodestæ lætitiæ ? reor
Amore regem deperire,

Ulla nec abnueret maritum. At splendidæ miracula maxima Pompa superbos conspice milites, Victos agentes se in triumphum,

Quod fuerint superati, ovantes.

Conspirat omnis plausibus impigris
Ac certat ordo; mentis et indices
Expertus omnes exprimendæ
Organa plura deesse mæret.
Nec vana gentem brutaque gaudia
Jactant furenti sydere percitam,
Mercede summa gratulantur,
Eximia ratione ducti.

Pungit recurrens præteriti mali
Sensus, futuri spes acuit boni,
Ac fortior vis præpotenti

Dulcis amor stimulo lacessit,

Cui mille flammas conciliant faces:
Præclara stirpis nobilitas, genus
Illustrium quo prisca regum
Stemmata consociata fulgent:
Quo neminem regnante pudet regi,
Ut nec gubernanti Jovi cœlites
Servire, dum prolem gigantes
Terrigenam dominos recusant.

Quæ celsior natalibus eminet
Virtus, faventis progenies poli,
Alumna dedignantis, astris
Mitibus orta, probata sævis :
Fortuna quam non terruit aspera,
Nec dura fati fregit iniquitas,
Adversa constanter ferendo,
Prospera quæ meruit refertque.
Quis nescit insignem sapientiam,
Benignitatem, justitiam, fidem,
Quas grata lingua consonanti

Fama minor merito celebrat?
Sis quanta Divûm cura, periculis
Tantis superstes, cædibus ac fugis,
Ostendis, armis impetitus

Hostium et insidiis tuorum.

Tam stirpe clarum, sanguine regium, Virtutibus tam conspicuum, Deo

Te sic amicum, Carole, ulnis

Suscipit Anglia vestra pronis.

Vult sceptra magni terna vibres patris, Virtute sed non sorte pari, suas Injurias in te futuris

Obsequiis reparare gestit.

Tuam obsoletis vulneribus manum
Vult admoveri; te petit unicum
Pœana, pluris pendet illam,

Quam tibi debuerit salutem.
Tridente fluctus non alio suos
Quam Carolino compositos cupit,
Te sola dispensante pax est
Belligere placitura genti.
Concussa monstris hæresium fides
Defensionem sollicitat tuam,

Qui jure possis solus illam, et

Inde tuum titulum tueri. Exposcit a te ecclesia vindice Vulgi profanis læsa furoribus, Exuta, conculcata, fracta

Jura, decus, reditus, quietem.

Tecum reverti participes tui
Leges requirunt exilii, fera ut

Necessitas exterminetur,

Unica lex, sine lege, nuper. Festiviori Pierius chorus

Excipiet suum

Regem, parentem, spem, patronum,

Delicium columenque suum :

Cui tot per annos vita precario
Traducta, jugi objecta periculo,

Evasit usque ægre superstes
Præda lupos facilis rapaces.
Jam cor refectum spiritus ingruit,
Effert in auras intrepidum caput,
E mortuo dudum recentem

Concipit ingenio vigorem :

Tutus sub umbra præsidii tui Secura musis dulcibus otia, Impendit, haud curans malignæ Invidiam rabiemque plebis.

En plectra docta pollice temperat, Et voce fausta encomia personat, Lætumque certatim canoris

Indiciis animum fatetur.

Non qualis olim carmine languido Turpes tyrannos exciperet, metu Cogente, fucatisque veros

Lætitiis gemitus recondens. Quos inter ima classe sedens, rudi Fretus camæna, non humili tamen Accensus affectu, Tonanti

Sospite te pia vota fundo;

Quod te reduxit spe citius tua Nostraque, contra non superabiles, Humana si spectamus, ullis

Consiliis operisque causas.

Adversus œstrum immane potentiæ
Armis et iris ac odiis feræ,

Firmaverant quæ pertinaces
Ambitio simul et cupido,

Post spes retusas, deciduas opes,
Fractasque tot successibus asperis
Vires tuorum, quum nec ultra
Sufficerent animi fideles;

Sudore nullo aut pulvere sordidum, Nullo madentem sanguine civium, Nec clade funesta auspicati Inficiente decus triumphi; Solos per hostes de spoliis tuis Tumultuantes, æstibus ut ratem Contrariis aurisque tractam

Regna tuos in avita portus. Conservet idem, dirigat, augeat Virtute Numen, consiliis, ope

Vitam tuam, mentem, coronam Incolumem, stabilem, perennem ; Distracta per te regna redintegret, Concussa firmo robore fulciat,

Collapsa restauret potente,

Sustineat ruitura, dextra;

Exhausta per te divite copia

Perfundat, apto digerat ordine
Confusa, corruptis nitorem

Restituat, dubiis quietem:

Exulceratas corrigat, asperas
Leni medela mitiget, æmulas
Mentes reponat, sedet iras,
Concilietque odiis amores;
Tollat querelas justitia; fidem
Et veritatem promoveat piam,
Sanctosque mores, quos crearit
Relligione subacta virtus.

Et quicquid amplo nomine continet
Felicitas, tecum redeat, tuis
Jussis et exemplis sacratum,
Consiliis opibusque tutum.
Hæc vexet hostes ultio regia
Injuriarum, reddere si volunt
Ipsi, beatos, pœnitentes

Ex animo, egregie fideles.
Sic uberes quam pertulimus licet
Fructus reportemus patientiæ
Utrique; tu regno diu, nos

Rege diutius indigentes.

Sic serus, ut nunc, semper habebere Ad nos reductus, sic reditum tuum Vincente præsentem profunda Posteritas recolet triumpho.

Qui plausus intrantem præiit, comes
Sit possidenti semper, acerbior

Sed exeuntem prosequatur,
Post celeberrima regna, luctus.

« AnteriorContinuar »