et pro ducentis marcis quos dicti Prior et Conventus nobis solverunt in hanaperio nostro perdonavimus omnes transgressiones factas nec non foris facturam si qua dictæ Aulæ cum pertinentiis et advocationis prædictæ virtute statuti de terris et tenementis ad manum mortuam non ponendis editi vel alias nobis intensa fuerit in hac parte, dictamque sententiam, ordinationem, pronuntiationem, decretum et declarationem auctoritate Apostolica factam, ut prædictum est, et executionem eorundem pro nobis et hæredibus nostris, quantum in nobis est, acceptamus, approbamus, ratificamus, et confirmamus, volentes et concedentes pro nobis et hæredibus nostris, quantum in nobis est, quod prædicti Custos et cæteri Scolares Regulares dicti Collegii Aulæ Cant. nuncupati Monachi dictæ Ecclesiæ Christi Cant. et eorum successores per prædictos Priorem et Conventum constituti, et per eosdem Priorem et Conventum et eorum successores constituendi, seu alias loco amovendorum substituendi, actibus scolasticis juxta ordinationem ipsorum Prioris et Conventus et successorum suorum religiose insistentes Aulam prædictam, tenementaque in ipsa contenta cum pertinentiis, nec non Ecclesiam prædictam, et advocationem ejusdem in usus proprios ipsorum Custodis et scolarium Regularium teneant videlicet dictam Aulam, et prædicta tenementa cum pertinentiis, quæ de nobis in burgagium tenentur, ut dicitur, de nobis et hæredibus nostris, ac aliis Capitalibus Dominis feodi per servitia inde debita et consueta, et dictas Ecclesiam et advocationem de nobis et hæredibus nostris in liberam puram et perpetuam elemosinam ad orandum specialiter pro salute animæ nostræ et pro animabus progenitorum nostrorum ac hæredum nostrorum in perpetuum sine occasione vel impedimento nostro vel hæredum nostrorum, Justitiæ Estretorum viæ aut aliorum ballivorum, seu ministrorum nostrorum vel hæredum nostrorum quorumcunque statuto vel forisfactura prædictis aut dictis, dotationem, concessionem, seu assignationem advocationis prædictæ per aliquem progenitorum nostrorum in dotationem, fundationem, vel alias in augmentationem Archiepiscopatus seu Ecclesiæ Christi prædictorum, seu dictam fundationem per præfatum Simonem de Islep quondam Archiepiscopum tam pro studentibus sive scolaribus Regularibus quam Secularibus factæ, ut præmittitur, seu aliquo alio præmissorum non obstantibus. In cujus rei testimonium has literas nostras fieri fecimus patentes. Teste me ipso apud Westm. octavo die Aprilis Anno Regni nostri Angliæ quadragesimo sexto, Regni vero nostri Franciæ tricesimo tertio.

A. D. 1372.

No. 9.

Eccles.

Literæ Fraternitatis Capituli concessæ Domine Cristine E. Registro Collett, London. a Priore et Capitulo Ecclesiæ Christi Christi CanCantuariensis.

UNIVERSIS Christi fidelibus ad quos presentes litere nostre pervenerint, Thomas permissione divina prior Ecclesie Christi Cantuariensis et ejusdem loci Capitulum, salutem in omnium Salvatore'; Cum omnium Christi fidelium sancta desideria sint studiis et officiis nostris pro ea quæ in nobis est facultate nutrienda, eorum tamen devotis supplicationibus precipue favere debemus, quibus amicitie vel familiaritatis seu cujuslibet alterius necessitudinis vinculo conjuncti sumus: Quoniam igitur dilecta nobis in Christo Domina Christina Collett vidua pia consideratione animadvertens sacrificia Missarum et alia vite exercitia ad delenda peccata virtutesque augendas non modo hiis qui faciunt ea, verumetiam illis pro quibus et ad quorum commodum referuntur proficere, jampridem a nobis instanter postulavit ut eam ad nostrorum omnium suffragiorum communionem gratanter reciperemus, Nos illius in hac parte devotioni ac sedulis precibus inclinati, predictam Dominam Christinam Collett ad plenissimum nostre fraternitatis beneficium duximus admittendam, eamque per presentes nostras literas patentes admittimus, participemque facimus deinceps, Omnium Missarum, Orationum, Vigiliarum, Eleemo

tuar. fol.92.

synarum, Jejuniorum ac ceterorum pietatis operumque, cooperante Dei gratia, per nos aut successores nostros Cantuariensis ecclesie commonachos fient in perpetuum, tam in vita quam in morte. Ceterum vero cum extrema dies ipsius nobis intimata fuerit, nomen suum pro memoria ipsius anniversarie recolenda in nostro Capitulari registro inseri faciemus. Ac preterea ad omnes Religiosorum Cetus ubilibet in regno Anglie constitutos eam destinare curabimus, ut eorum per merita ac devota precum suffragia valeat quam celerius scandere ad Celestia. In cujus rei testimonium huic scripto sigillum nostrum commune duximus apponendum. Dat. in domo nostra Capitulari vicesimo primo die mensis Decembris, anno Domini millesimo quingentesimo decimo.

Ibid.

No. 10.

Bulla Papalis pro Dispensatione cum Statuto Universitatis Oxon. &c.

GREGORIUS Episcopus servus servorum Dei ad perpetuam rei memoriam. Apostolicæ servitutis nobis injunctæ desuper officium mentem nostram incitat et inducit, ut circa ea quæ statui prospero personarum sub religionis habitu Domino famulantium, ac litterarum studio Theologicæ facultatis insistentium oportuna fore conspicimus, operosis studiis intendamus. Oblata siquidem nobis pro parte dilectorum filiorum Custodis ac scolarium Monachorum collegii Domus Aulæ Cantuariensis nuncupatæ studii Oxon. ordinis sancti Benedicti Lincoln. Dioceseos Petitionis series continebat, quod in ipso studio quoddam Statutum existit, quo cavetur expresse, ut nullus ibidem ad honorem Magisterii in Theologia assumatur, nisi prius rexerit in artium facultate et quod etiam de antiqua et approbata consuetudine hactenus pacifice observata in eodem studio nullus religiosus, cujuscunque ordinis existat, ad regendum admittatur in eadem universitate in artium facultate prædicta, propterea quod ipsi Custos et Scolares, quamvis sint in primitivis scientiis sufficienter instructi, ac alias ad hoc sufficientes et idonei ad hujusmodi Magisterii honorem in eadem Theologia recipiendum, minime admittuntur ibidem. Quare pro parte ipsorum Custodis et Collegii nobis existit humiliter supplicatum, ut providere ipsis super hoc de benignitate Apostolica dignaremur. Nos igitur volentes eosdem Custodem et Collegium favore prosequi, graciose hujusmodi supplicationibus inclinati, volumus ac eisdem Custodi et Collegio Apostolica auctoritate concedimus, quod Custos et Scolares dicti Collegii qui sunt et erunt pro tempore, quamvis non rexerint in hujusmodi artium facultate, dummodo alias in primitivis scientiis sufficienter fuerint instructi, ac cursus suos fecerint in Theologica facultate, et per diligentem examinationem, juxta morem ipsius studii, sufficientes et idonei reperti extiterint ad Magisterium recipiendum in eadem, ad hujusmodi Magisterii honorem et docendi licentiam in ipsa Theologica facultate in studio supradicto; servatis tamen Constitutionibus Viennensis Consilii ac felicis recordationis Benedicti Papæ XII prædecessoris nostri, et aliis solempnitatibus in talibus consuetis, sublato cujuslibet difficultatis obstaculo, libere admittantur, non obstante statuto et consuetudine hujusmodi, etiamsi juramento, confirmatione Apostolica vel quacunque alia firmitate roborata existat, quæ alias in suo volumus robore permanere. Nulli ergo omnino hominum liceat hanc paginam nostræ voluntatis et concessionis infringere, vel ei ausu temerario contraire. Si quis autem hoc attemptare præsumpserit indignationem omnipotentis Dei et beatorum Petri et Pauli Apostolorum ejus se noverit incursurum. Datum Avinioni IV Non. Decembris Pon-A. D. 1375. tificatus nostri anno quinto.

No. 11.

Rymeri Fœ- Pro Johanne de Wiclif et aliis de potestatibus ad trac

dera, tom. vii. p. 41.

An. 48.

Edw. III.

tandum cum Nunciis Papæ.

REX Universis ad quorum notitiam præsentes literæ per

A. D. 1374. venerint, salutem.

Sciatis quod nos de fidelitate et circumspectione venera

bilis Patris Johannis Episcopi Bangoriensis,

Ac fidelium nostrorum

Magistri Johannis de Wiclif sacræ Theologiæ Prof.

Magistri Johannis Guteri Decani Segobiensis,

Magistri Simonis de Multon Legum Doctoris,

Willelmi de Burton Militis,

Roberti Bealknap, et

Johannis de Kenyngton,

plenam fiduciam reportantes, ipsos ad partes transmarinas Ambassatores, Nuncios et Procuratores nostros speciales destinamus;

Dantes eisdem Ambassatoribus, Nunciis et Procuratoribus, sex vel quinque eorum (quorum præfatum Episcopum unum esse volumus) auctoritatem, et potestatem, ac mandatum speciale tractandi et benigne ac caritative consulendi cum Nunciis et Ambassatoribus Domini summi Pontificis, super certis negotiis, pro quibus præfatos Episcopum et Willelmum, ac fratrem Ughtredum Monachum Dunolmensem, et Magistrum Johannem de Shepeye ad sedem Apostolicam nuper miseramus;

Et Relationem plenariam super hiis quæ inter eos tractata et consulta fuerint nobis et concilio nostro faciendi : Ut ea quæ honorem sanctæ Ecclesiæ et Conservationem Jurium Coronæ nostræ, et Regni nostri Angliæ, concernere poterunt in ea parte intuitu Dei et sanctæ sedis Apostolicæ, feliciter expediantur, et debitum capiant complementum.

In cujus, &c.

Dat. apud London. vicesimo sexto die Julii.