minime existant Magister informator Grammaticorum et Hostiarius sub eodem, quatuor capellani conductitii, singulis annis erga festum Natalis Dñi pannum pro togis et capitiis de una et eadem secta percipient de bonis communibus nostri Colt supra dicti. Ita quod Presidens quinque virgatas et quilibet aliorum predictorum quatuor virgatas et dimidium percipiant. Proviso quod pretium virg: ij s. vj d. non excedat. Statuentes preterea quod triginta pauperes vocati Demyes octo Clerici capelle, 16 Choriste et alii ministri nostri Colt intrinseci quicumque erga dictum festum Nativitatis Dñi etiam singulis annis in perpetuum de bonis communibus dicti Colf liberatas suas de conformi colore habeant de competente panno ita quod pretium virg. xxijd. non excedat. Itaque tantum de hujusmodi panno ipsorum cuilibet tribuatur de quo unam togam condecentem facere poterit habito respectu ad percipientium staturam ita quod nulli eorundem plus quam tres virgas panni distribuatur quovis modo. Jo. Wimark in Artibus Mr Notarius. No XXVII. See p. 216. H. Wharton's Anglia Sacra, I. p. 326. Elogium Willelmi Waynflete. NE vacaret hæc pagina, apposui elogium maximi Præsulis Willelmi Waynflete Episcopi Winton. ex Epistolâ Epistolâ nuncupatoriâ Fr. Laurentii Gulielmi de Savonâ S. T. D. Ord. Minor. in Conventu Londinensi, libro suo, cui titulus est Triumphus amoris D. N. J. Christi, anno 1485 conscripto, præmissâ. Operæ prætium fore existimavi, reverendissime Pater ac colendissime Domine, librum hunc caritati vestræ dirigere, tradere ac consignare; ut res amore et caritate referta ad patrem misericordiæ Dominumque clementissimum referatur; in cujus gremio blandè ac benignè suscepta foveatur, et pastorali auctoritate illustrata ac defensata, pleniùs rutilet, securiùs degustetur, diutiusque in suo robore conservetur. Ut quod mea tenuitas majestati atque præstantiæ tantarum rerum conferre non potuit; pastoralis authoritas, veneranda canities, consummata prudentia, laudata prædicataque à multis sapientia, multis verò in rebus probata per pietatis opera caritas, quæ vestro in pectore conquiescunt, conferant et conservent. Optimo ergo jure, Reverendissime Pater, hunc librum, quasi amoris divini fasciculum, in sinu gremioque vestro fovendum conservandumque tradiderim ; et tanto æquiùs atque congruentius, quanto major est benignitas, caritas, atque misericordia, quæ passim atque publicè ubique in populo de tanto Pontifice prædicatur. Quippe cum nullus omnino existat, qui ad tanti Patris misericordiæ sinum confugerit, qui multâ cum clementiâ se susceptum fuisse non asserat. Addamus autem id quod nullâ invidiâ obscurari, nullâ tergiversatione negari, nullâ denique detrectorum perfidiâ deleri potest. Quanta videlicet fuerit liberalitas, quanta charitas charitas in pectore tanti Pontificis ; quandoquidem Collegium tam magnificum, tam amplum et speciosum, tot sumptibus, tantâ cum sollicitudine, construi omnino et ab ipsis fundamentis usque ad summum elevari complerique fecit. In quo tot venerabiles Sacerdotes ad cultum Dei sanctissimum officiosissimè constituti, tot Baccalarii sacratissimæ Theologiæ, tot Magistri Artium, tot sacrarum literarum studentes, continuè foventur et sustentantur; ut sacris literis honestissimisque bonarum artium disciplinis libero animo incumbant, hauriantque hujusmodi disciplinas, maxima ornamenta humanæ vitæ ; et has postquam adepti fuerint, aliis utiliter ac sine invidiâ impertiantur. Addamus autem, quam speciosum Templum, quàm magnificum, quam solenne, cum suis ornamentis, libris, casulis, jocalibusque, divino cultui dignè peragendo deputatis, eodem in collegio constructum sit; spatiosumque Claustrum suis columnis sustentatum atque ornatum, pulcherrimisque deambulatoriis circumvallatum. Quam splendida insuper Bibliotheca, cunctarum pœne facultatum diversorumque doctorum voluminibus constructa atque munita. Quam insuper aprico situ aquarumque circumfluentium commoditate maximâ circumdata existat tantorum ædificiorum spatiosa moles. Ut non modò Sacerdotum atque Studentium apta, commodissima, atque delectabilis mansio sive Collegium nomen sortita sit; quin et longe verius Paradisus quædam deliciarum animi et corporis dici mereatur. Omittimus alia complura quæ multis in Ecclesiis variisque locis et splen splendidissimis ædibus, quotidianisque et piis operibus, erga pauperes jussu piissimi Pastoris, distributa conspiciuntur quotidiéque elargiri videntur. Hoc solùm de collegio, quod gloriosæ apostolissæ D.N.J. Christi Magdalenæ dedicatum est, sufficiens utique speculum et exemplar esse dinoscitur contestans ac prædicans, quanta sit caritas in pectore tanti Pontificis constituta. N° XXVIII. See p. 218. Regist. A. fol. 53. Testamentum Willelmi Wayneflete Episcopi Wynton cum Codicillo. UNDECIMO die Augusti in crastino sti Laurencii Anno Domini 1486 et anno regis Hen. 7mi primo (hora quarta post meridiem, Statute-Book) obiit Reverendus in Christo Pater ac dñs dñs Wills Waynflete hujus Collegii fundator. Requiescat in pace, Amen. Cujus testamentum sequitur sub hac fforma. Exemplar testamenti Fundatoris collegii sancte Marie Magdalene Oxon? IN Dei nomine Amen. Ego Willms Waynflete permissione divina Epus Wynton? xxviio die mensis Aprilis anno Dõi м° CCCC° LXXXV1° ad vitam futuram ad quam conditus sum anhelans cernensque diem expectacionis mee in hac valle lacrimarum quasi nunc advesperasse et quod tempus resolucionis pene jam instat condo testamentum meum in hunc modum. In primis lego animam meam Deo omnipotenti beate Marie Virgini beate Marie Magdalene et Ecclesie mee patronis corpusque meum sepeliendum in Ecclesia mea Cathedrali Wynton? in quadam capella beate Marie Magdalene in parte orientali ejusdem ecclesie mee in qua tumulus preparatus est. Item lego Thome Priori dicte Ecclesie unum ciphum honestum deauratum et coopertum et xl s. et cuilibet Monacho ejusdem Ecclesie sacerdoti xiiis. iiii d. et cuilibet Monacho non sacerdoti vis. viiid. per equales porciones distribuendos in die sepulture et trigintali obitus mei pro exequiis meis tunc ibidem celebrandis. Item lego Abbati de Hida xiiis. iiiid. et cuilibet Monacho ejusdem monasterii sacerdoti vis. viiid. et cuilibet monacho non sacerdot iiis. iiiid. per equales portiones distribuendos in die sepulture et trigintali obitus mei pro exequiis meis tunc ibidem celebrandis. Item lego Abbatisse monasterii beate Marie Wynton? xiiis. iiiid. et cuilibet moniali ibidem fesse ii s. et cuilibet non professe xvi d. per equales porciones distribuendos in die sepulture et trigintali obitus mei pro exequiis meis tunc ibidem celebrandis. Item lego Custodi Collegii nostri prope Wynton? vis. viiid. et cuilibet Sacerdoti ejusdem collegii iis. et cuilibet Clerico xvid. et cuilibet puero ejusdem collegii iiii d. per equales porciones distribuendos et pro duabus pietantiis habendis pro sociis et pueris in die sepulture et trigintali obitus mei xxs. Item Magistro pro domus |