Mei et meorum terror iste sub terra Jacet tacetque :-luridæ jugo rupis Tandem alligatus, criminum luens poenas, Qua semper unda cærulum daret vinclum, Semperque binæ vellerent jecur pestes, Hinc crassus Aër, inde crassior Custos- Morosus, æger, garrulus, merum virus, Orciniana jam latescit in sponda, Uda cupressu tectus, unde sopitum Nulla improborum vota, nullus armorum Fragor reducet, nulla cura cerdonum. Ergo alma Virtus, ergo Pax, et antiquus Ordo renidet, ergo Curiæ et Templi
Vox nota surgit, innocens micat Ludus, Pinguescit iterum Sulcus, et Sacerdotes, Honorque crescit Regis, et Cucullorum.
"At heu! serenum nubilis tumet cœlum, Interque flores, et jocos, gravem spirat Sonum procella! fervidos Iberorum Video tumultus, qui per arva perque urbes Infanda moliuntur, arma clamantes Et jura Libertatis, et domum tutam,. Legem, fidemque, et quicquid ora Gallorum Implevit olim, cum cruor mei fratris Crudele sanctis imbuit solum guttis. Idem resurgit horror! occidit Virtus Inominata morte, sub rosa nemo
"Confiteor" ore mussat, occidit totum "Jubilate," totum præterit "Pater noster," Crepitus piorum præterit flagellorum. Ipse inter arma Vir gregis, caput sanctum, Phrygio Loretti regius, colo pollens, Pallet pavetque, jussus ore divino Plebeia dicere, et novas pati leges. At eja! restat Ultor! irruit velox Vindicta, nostræ rite fulta virtuti. Pietas verenda sic jubet, jubent mores, Germaniæque dux, et ille Russorum Pius Imperator, Omnipotens Alexander. Ergo ite fortes, ite corda Gallorum Robusta, perque rupis asperos colles Angustiasque, tristiumque Sylvarum Graves tenebras pellite trepidos hostes, Jugulate, verberate!-Concitate, oro,
Enses facesque, spemque divitis laurus Ignesque cassidasque, et Gloriæ vocem, Deos Deasque, et quicquid inter umbrosos Nemorum recessus rusticæ canunt Musæ. Utinam per arma Gallici comes belli Titubare possem, dexteraque gemmatum Vibrare ferrum, fortiterque commissam Pugnam videre, milites, equos, plumas! "Obstant iniqua Fata! sed precor vobis Pericula inter, ille Sanctior Sanctis Velit favere Ludovicus, et signis Adsit patronus, quæ pius feret Princeps, Verissimeque viscere e meo natus."
Finem loquendi fecit: hic pius Princeps Verissimeque viscere regio natus, Pellicula putris, totus integer morbus, Capulum, tuens acerba, nobili belle Digito prehendit; inde palluit, tanquam Adesset ipsi Curiæ et throno Regis Cum fuste furibusque barbarus Mina. At o Machaon, tuque doctior Phoebe, Adeste tota copia lagenarum, In morionem, si placet, coronatum ; Cui Fata præbent patrio frui sceptro, Et gerere vestem non, ut ante, donatam, Vehique curru non, ut ante, conducto, Et flectere genua, et vorare perdices, Et esse mensis fabulam Parisinis, Et de Theatris cœnulisque Sanctisque Largum Nihil garrire; dum jocos nectit, Avunculique regium pavet ventrem, Avunculique regium capit mentum Illa alta proles, ille tot diu votis Quæsitus infans, ille parvus Æneas, Qui jam tumescit, et tyrannus incedit, Sceptrumque poscit, et feras trahit rugas, Et pultibusque laudibusque nutritur. Morum fidelis arbiter, probus judex, Hispaniæque terror, et Dei Vindex, Hæc inter, ægro desipit senex ævo; Totusque pinguis, pulcher, et pater gentis, Optatus" audit, et peribit Optatus.
Instar veris enim vultus ubi tuus Affulsit populo, gratior it dies, Et soles melius nitent.—HOR.
NON fera bella cano, non grandi carmine Martem Dicere ferventem medio certamine conor; At memorare virum Tamesis qui nuper ab ora, Coelicolum ductu, Borealia regna petivit. Musa, mihi faveas clemens, nec linquere sedem Castaliam dubites; tecum ut præconia laudis Tollam, dum versu regalia facta celebro.
Purpureis invecta rotis Tithonia conjux Lumine jam primo noctis summoverat umbras: En! littus populi conferta corona frequentat, Applausu reboant mixto palatia cœli, Jamque per Oceani tractus volat aurea puppis. "Princeps care, vale! vultu Fortuna sereno "Te faveat, referatque domum mox alite dextro." Talia vota ferunt homines: " Tuque, Æole præceps, "Da facilem cursum, neque faustis abnue coeptis; "Vos, o Nereides, magnum deducite Regem.' Haud mora-cæruleus pelagi pater emicat alto Gurgite, summissosque jubet requiescere fluctus; Nutu compositus dormit sine murmure pontus. Fortibus interea Scotis fovet anxia corda Magnanimum patriæ patrem spes læta videndi. Cecropiæ veluti volucres æstate serena Floribus in summis coëunt, aut agmine denso Insidunt ripis fluvii tractimque susurrant :- Sic confusa cohors hominum glomeratur ab omni Parte Caledoniæ, stipataque littora cingit. Suspensa trepidant mentes, vox faucibus hæret, Aut dubius crepitat sermo, lenesque susurri. Eminus at tandem spatiosa volumina fumi Adventum pandunt classis; pennata per urbem Fama ruit, reboant Lethæ clamore recessus: "GEORGIUS instat ovans!"-prora nunc anchora mordax Dejicitur, puppis stat littore; turribus altis
Emulus ætherei sonitus fragor intonat ingens. Versibus O si fas regem depingere dignis Gestantem veteris frondes insignia gentis: Necnon innumeram turbam (mirabile visu) Ordine dispositam, cristas, vexillaque, (signa
Bellica, non Scotis belli portenta beatis!): Æthera castellum sublimi vertice scandens Aspice, cui turris latam supereminet urbem- Urbem quæ domibus celsis sedet altera Roma! Audin' ut Arctoum littus sonat? audin' ut omnes "Vivat Rex!" orant, iterumque iterumque frementes? Interea princeps tacita dulcedine mentis
Lætus, vix animo verbis sua gaudia fundit:
Sæpe mihi jam Fama volans pervenit ad aures De veteri gentis pietate fideque tenaci;
Resque virum gestæ, quos crebro Marte feroces Emisit regio venerandaque vulnera passos, Devinxere mihi Scotos in fœdere amoris. Sacros pontifices, et Phoebo digna locutos Terra Caledoniæ genuit gignitque,-Britannis Immortale decus terrasque excmplar in omnes! Gratulor antiquum vestræ florescere honorem Stirpis, Dii faciant nullo marcescat in ævo!" Talibus exultat dictis clementia Regis. Pallida jamque ruit celsæ nox moenibus urbis Haudquaquam lucis victrix; ars æmula matrem Naturam superat; solum micat æthere sidus Georgium, at in terra collucent sidera centum. Cur lusus memorem varios, convivia læta, Instructos pedites, claræ spectacula turmæ ? Tempus deficeret rapidum mihi carmine magno Dicenti fortes animos et pectora fida
Quæ ciet adventus Regis; magis apta sonoris Ista tuæ fidibus citharæ, divine Poëta,
Marmionis vates, patriæ decus omne per ævum! Scotia mosta suum tandem descendere in undas Aspicit occiduum Solem, regionibus Austri Orturum, ut radiis Anglorum prata serenet. Salve sceptra gerens! Regum Rex optime, salve! Anglia te reducem communi voce salutat, Te, sicut patrem proles, gratulatur:-adesto Qua vocet officium regale et vota tuorum. Terminat haudquaquam regni nomenque decusque Londini splendor; Regem te vindicat Alma Mater, et invitat placidum hic quoque visere gnatos; Orat ne, princeps, proprium indigneris honorem, Nec vultu sylvas Academi ornare recuses. Te vaga Musa vocat-Camus pater ipse profundo Te vocat ex alveo leni se murmure tollens.
Gray's Elegy translated into Latin Verse, including the Author's rejected Stanzas, together with Dr. Edwards's additional Lines, by D. B. Hickie.
Mr. Hayes has just published A Catalogue of Greek and Latin Classics, containing every edition of importance that has appeared in this country and on the Continent; including the Variorum, and best critical editions, in folio, quarto, and octavo; and the modern editions by the German and Dutch commentators. Also, the principal Lexicographical works, &c. with their prices.
M. Tullii Ciceronis de Republica quæ supersunt edente Ang. Maio, Vat. Biblioth. præf. 8vo. Londini. 1823.
Discorso del Caval. L. Marini sul ritrovamento da lui fatto del metodo di descrivere la voluta Ionica Vitruviana, &c. Roma. 1821. 8vo.
Lettre à M. Dacier, secrétaire perpétuel de l'Académie des Inscriptions, relative à l'Alphabet des Hiéroglyphes Phonétiques, employés par les Egyptiens pour inscrire sur leurs Monuments les titres, les noms et les surnoms des Souverains Grecs et Romains; par M. Champollion le Jeune. Paris. 8vo. 1822.
Œuvres de Platon, traduites par V. Cousin. Par. 1822. 8vo. (the first vol. is just published.)
Specimen d'une nouvelle Edition critique d'Horace, (par F. Pottier.) Par. 8vo. 1822.
Illustrationes Prodromæ in scriptores Græcos et Latinos de Belopoeia, habitæ in conventu Academico Archæologiæ xvi. Kal. Mart. MDCCCXIX. ab Eq. Alois. Marini. Romæ. 1820.
Diem natalem Regis Potent. et Clementiss. ab Alma Universitate Borussica Rhenana d. iii. Aug. publice pieque celebrandum Rectoris ac Senatus Academici nomine indicit Frid. Theoph. Welcher, Litt. Antiqq. Prof. &c. (Epigrammatum Græcorum Spicilegium alterum) Bonnæ, 1822. 4to.
Κολούθου Ελένης Αρπαγή. L'Enlèvement d'Hélène, poème de Coluthus, revu sur les meilleures éditions critiques, traduit en Français, accompagné d'une version Latine entièrement neuve, de notes philologiques et critiques, de trois index, de scholies
« AnteriorContinuar » |